آڑنجی ٹی محکمہ جانجوڑی نا کڑد ستا کڑزک‘ ڈاکٹر بشیر بنگلزئی

خضدار : ڈسٹرکٹ ہیلتھ آفیسر خضدار ڈاکٹر بشیر احمد بنگلزئی پارینے کہ آڑنجی نا علاقہ کیو دشت اٹ دست الٹی یا گیسٹرو نا دین انا ڈس رسینگ انگ تون زہمی آ علاقہ غاتیٹی طبی ٹیم تے راہی کننگانے۔ او پارینے کہ دا علاقہ وڈھ آن کم و ود ہفت گھنٹہ نا مری آٹے، ساڑی پر تا مد اٹ کسر مفننگ نا وڑاٹی ءِ۔ ہراڑے سر مننگ کن طبی ٹیمک بھاز فریشانی اٹ زہمی آ علاقہ غاتیٹی سر مسنے۔ ڈپٹی کمشنر خضدار نا پارت آ اینو ڈی ایچ او ڈاکٹر بشیر احمد بنگلزئی و ڈی ایس ایم پی پی ایچ آئی حاجی خان آڑنجی سر مرسا طبی ٹیم تا کارکڑد نا جاچ ءِ ہلک و زہمی آ علاقہ تا زہمی تتون اوڑدہی کریر۔ ڈی ایچ او محکمہ جانجوڑی نا کارندہ غاتے پارت کرے کہ مر انگا علاقہ غاتیٹی ہنسا ناجوڑ آتے زوت اس کمک و دارو سر کننگا۔ او پارینے کہ محکمہ جانجوڑی نا ڈاکٹر و کارندہ غاک زوت اس زہمی آ علاقہ غاتیٹی اُلس ءِ جانجوڑی نا آسراتی سر کننگ اٹ کڑد ادا کرینے۔

(خ ن)