راج اٹ نیاڑی تا بھلو قدر اسے‘ نورجہاں مینگل

خضدار : نیاڑی محتسب نورجہاں مینگل اے ڈی سی جی خضدار سراج کریم بلوچ ایڈوکیٹ فوزیہ سکندر زہری خضدار اٹ شعور وآگاہی نا بابت اٹ اڈ ہلوک ”انسدادِ ہراسمنٹ کمیٹی“ کانفرنس آن تران کرسا پارینے کہ نیاڑی تے راج اٹ قدر انا نگاہ ٹی ہننگک۔ نیاڑی تے خلیس و خوف آن پیشن کشسا تینا زی آ پش بروک آ واقعہ غاتا برخلاف فیصلہ ساز ءُ کڑد اس ادا کروئی تمک۔ نیاڑی تے رکھ تننگ کن بھاز کانود سازی کننگانے۔ حقوق نسواں و تحفظ نسواں ایکٹ جوڑ ءِ، ہرافتے تیٹی نیاڑی تے خود مختاری و رکھ اکن اہم ءُ پیش رفت پین کننگک۔ دا بابت اٹ بلوچستان اٹ ہمو نیاڑیک ہرافتے تعلیم آخا و قبائلی راج اٹ رہنگسا خلیس اس پن کیرہ و مون آ برسا دا کانود آتیان جوان وڑاٹ فائدہ ہرفنگ کیرہ و تینا زی آ پیش بروک آ ہراسمنٹ نا برخلاف جتا جتا ادارہ غاتون رابطہ کرسا انصاف بٹنگک۔

(خ ن)