اے سی سٹی عطاء المنیم نا شار اٹ گرانفروشی آتا برخلاف کارروائی

کوئٹہ : ڈپٹی کمشنر کوئٹہ شہک بلوچ نا پارت آ اُلسی غاو تیا ضلعی انتظامیہ کاسی روڈ و علمدار روڈ آ جتا جتا کارروائی تیٹی8نانبائی و 2ایرانی پیٹرول نا کاروبار کروک آ کارندہ غاتے دزگیر کرسا جیل آ راہی کننگے۔ او وخت آ اسسٹنٹ کمشنر کوئٹہ سٹی عطاء المنعم پارینے کہ ڈپٹی کمشنر میر شہک بلوچ نا پارت آ مچ آ شار اٹ تجاوزات‘ گرانفروشی و غیر کانودی پٹرولیم ڈٹ آتا بہا کروک آتا برخلاف کارروائی نا چر برجا ءِ۔ او سٹی ایریا ٹی کارروائی کرسا کم وزن ارغ نا بہا کننگ آ 8نانبائی و ارا ایرانی پٹرول پمپ مالک آتے دزگیر کرسا جیل آ راہی کننگا اونا پاننگ ئس کہ ضلعی انتظامیہ تینا اختیار و وسیلہ غاتیٹی رہنگسا تجاوزات گرانفروشی و غیر کانودی کاروبار نا برخلاف کارروائی تا چر ءِ برجا تخنگانے۔ وخت اس کہ دکاندارک حکومتی ریٹ آ کن خور نا گڑاتے بہا کننگے۔

(خ ن)