قرآن پاک نا بے حرمتی آن مسلمان تا اُست ہسونی مسنے‘ داد خان مندوخیل

ژوب: قرآن ننا ایمان ءِ دانا بے حرمتی آ جان ءِ ہم ندر کینہ۔ سویڈن اٹ دا بے حرمتی آن کل مسلمان تا جوزہ غاتا اُست ہسونی مسنے۔ مسلم ملک آک داسہ ہم تینا خن تے ملتنو۔ و اتحاد واتفاق نا درشانی ءِ کتو تو دا بذدلانہ حرکت آک پین ودرہ۔ دے کی ملک آک خاص کر سویڈن حکومت ءِ دا پاننگ خوارہ کہ مسلمان تا جوزہ غاتون گوازی کننگ نا خراب ءُ نتیجہ مون آ بریرہ۔ دا خیال آتا درشانی ءِ پی ٹی آئی ژوب و جمعیت علما اسلام نا کنڈآن سویڈن اٹ قرآن پاک نا بے حرمتی نا برخلاف برانز آن پی ٹی آئی صوبائی ڈپٹی جنرل سیکرٹری داد خان مندوخیل و ایلوفک تران کریر۔

(آن لائن)