بلدیاتی گچین کاری تیٹی اُلس جے یو آئی آ اعتماد ستا کڑزک‘ حاجی عزیز آغا
سرانانا: جمعیت علماء اسلام نا راہشون صوبائی اسمبلی نا باسک سید حاجی عزیزاللہ آغا تینا اسہ بیان اسے ٹی پارینے کہ بلوچستان اٹ مروک آ بلدیاتی گچین کاری تا گڈیکو مرحلہ ٹی جمعیت علمااسلام نا جوان سرسہبی اُلس نا جماعت نا کماشی و سیاست آ اعتماد نا دلیل ءِ، اُلس جمعیت علما اسلام نا نمائندہ غاتیا اعتماد کرسا بڑزکو طاقت آتیا پاش کرے کہ پاکستان نا اُلس درو ہم جمعیت علمااسلام تون اوار ئس اینو ہم جمعیت علمااسلام تون اوار ءِ۔ او ضلع پشین نا پوسکن گچین مروک آ چیئرمین سید حاجی شکورآغا، قلعہ عبداللہ نا چئیرمین حاجی دین محمد سیگی،چمن آن پوسکن گچین مروک آ چیئرمین حاجی آمان و ایلوفک چئیرمین وڈپٹی چئیرمین ءِ مبارکبادی ترسا پارینے کہ اُلس نا کنڈآن جمعیت علما اسلام نا اومیت دار آتیا اعتماد ءِ کم مننگ نا موکل تفنہ۔
(آن لائن)