پاکستان کلبھوشن کیس اٹی بھارتی وکیل نا بیان تے مسترد کرے

0

Get real time updates directly on you device, subscribe now.

اسلام آباد: پاکستان بھارتی جاسوس کلبھوشن یادیو کیس اٹی بھارتی وکیل نا غلط انگا بیان تے مسترد کرینے۔ ترجمان دفتر خارجہ عائشہ فاروقی نا رد اٹ بھارتی وکیل ہریش سالوے نا بیان کیس انا راستکی تیان چَپ ءِ۔ وخت اس کہ پاکستان جہانی انصاف عدالت نا فیصلہ غا پورو وڑ اٹ عمل کننگ اٹی ءِ۔ او پارے کہ کیس انا مون آ ہننگ آ پاکستان جہانی عدالت نا فیصلہ غا عملدرآمد کن پرعزم ئ،۔ پاکستان بھارت ءِ کلبھوشن یادیو اسکان قونصلر رسینگ گیگ تسنے۔ ترجمان نا پاننگ ئس کہ جہانی عدالت نا فیصلہ نا رد اٹ اول سر جاچ انا گام گیج کننگ انگ ءِ۔ و اسہ زموار ءُ ریاست اسے نا حیثیت اٹ پاکستان جہانی زمواری تیان معلومدار ءِ۔ کورونا نا برخلاف جنگ، چین اولیکو وار تینا نزوری تے امنا کرینے، و داڑتون اوار ہندن ءُ پڑو اس کرے کہ کل اونا ستا ءِ کرور۔ یات سلے کہ کلبھوشن یادیو کیس اٹی پاکستان ءِ جہانی فورم آ بھلو سرسہبی اس رسینگاسس، وخت اس کہ بھارت بے سہبی خناسس۔ جہانی انصاف عدالت بھارت نا کنڈ آن کلبھوشن یادیو نا پدی راہی کننگ، یلہ کننگ و فوجی عدالت نا فیصلہ ءِ چٹفنگ نا درخواست ءِ مسترد کریسس۔
(آن لائن)

Get real time updates directly on you device, subscribe now.

Leave A Reply

Your email address will not be published.