پاکستان اناڑی و کنفیوزڈ حکمران آتا دوٹی ءِ، احسن اقبال

0

Get real time updates directly on you device, subscribe now.

لاہور (آن لائن) مسلم لیگ (ن) نا جنرل سیکرٹری و مسکوہی بنجائی وزیر داخلہ پروفیسر احسن اقبال پارینے کہ پاکستان اناڑی و کنفیوزڈ حکمران آتا دوٹی ءِ۔ ہرانا سزا بیوس و مظلوم آ الس ءِ رسینگ انگ ءِ۔ نیب کانود اٹی ترمیم آخا، پورو چٹفوئی تمک۔ حکومت تون ہچ ءُ مذاکرت اس مفننگ اٹی ءِ۔ اسپیکر پنجاب اسمبلی ءِ پروڈکشن آرڈر جاری کننگ نا سزا تننگ انگ ءِ۔ چیئرمین نیب ءِ بایدے حکومت اٹی ہند اس تننگے۔ عمران خان بیر ہلوک فاشسٹ مائنڈ نا رد اٹ اپوزیشن نا برخلاف کاروائی کننگ اٹی ءِ۔ الس مسلم لیگ (ن) نا گچین آ دورِ حکومت ءِ اینو ہم یات کیک۔ پی ٹی آئی حکومت مسلم لیگ (ن) نا برجا ڈٹ آتیا کاریم کرفنگ نا جاگہ غا اوفتے اڑنگ آتا باٹی تسنے۔ دا ہیت آتا درشانی ءِ او میڈیا تون ہیت وگپ کرسا کرے۔ او پارے کہ پاکستان ءِ کورونا نا دین مون تروک ءِ، دا وخت آ دنیا ٹی ضابطہ اخلاق اسے تون اورا داڑتون مون تننگ ءُ۔ کورونا نا ویکسین داسکان جوڑ متنے۔ دا وخت آ دانا مون ءِ توننگ نا کل آن گچین انگا وڑ لاک ڈاﺅن ءِ۔ و گچین ءُ فیصلہ کروئی تمک۔ مون نا مسہ تُو اٹی حکومت اٹ فیصلہ کننگ نا کاختی مسنے، ہرا کہ کنفیوزڈ مننگ ءِ پک کیک، پی ٹی آئی نا حکومت اقتدار اٹی بننگ آن مست مخلوق ءِ بھلو تغ نشان تنگن کن چندی وڑ تے کرسا ہنا، ولے داسہ ہراتم کہ او اقتدار اٹی بس تو فیصلہ کننگ کپننگ ءِ کہ آئی ایم ایف آ کان یا آخا۔ کورونا دین آ داتم اسکان فیصلہ غاک مفننگ اٹی ءُ کہ لاک ڈاﺅن اٹ کمتی اتنگے یا آخا۔ اسہ کنڈ آ وزیراعظم لاک ڈاﺅن ءِ چٹفنگ نا ہیت کیک، تو ایلو کنڈ آ صوبائی حکومت والاک پارہ کہ لاک ڈاﺅن ءِ چٹفنگ مفک۔ پاکستان اناڑی و کنفیوزڈ حکمران آتا دوٹی بسنے، ہرانا سزا الس ءِ رسینگ انگ ءِ۔ او پارے کہ قومی اسمبلی ٹی سوج مریک کہ حکومت کورونا وائرس نا مون ءِ تونگن کن انت کرینے؟ دا وخت آ غریب، مزورکار، روزانہ کروک آ تپہ نا حالیت داخس نزور مسنے کہ کبینی و بے روز گاری بین و درپدری نا سوب جوڑ مننگ اٹی ءِ۔ ولے حکومت بیرہ دعویٰ کننگ اٹی ءِ۔

Get real time updates directly on you device, subscribe now.

Leave A Reply

Your email address will not be published.