پی پی و بلوچستان مسہ نسل آن ہم کوپہ ءُ، بلاول بھٹو زرداری

0

Get real time updates directly on you device, subscribe now.

کوئٹہ: پاکستان پیپلزپارٹی نا چیئرمین بلاول بھٹو زرداری پارٹی ٹی پوسکن بروک آتے کن اڈ تروک آ جلسہ نا وخت آ اوفتے مبارکبادی ترسا پارے کہ پاکستان پیپلزپارٹی و بلوچستان مسہ نسل آن ہم کوپہ ءُ۔ نن داڑے حکومت جوڑ کینہ و جیالا وزیر اعلیٰ اس اتینہ۔ پاکستان مسلم لیگ(ن)، پاکستان تحریک انصاف و ایلوفک الس نا حق آتے کنگر، کرک و وسیلہ غاتیٹی خن تے سخت کریر، سانحہ سول ہسپتال اٹی شہید مروک وکیل آک اینو ہم انصاف کن ہُروک ءُ۔ نابود آ حکومت اٹی بدلی نا اصل دروشم، کبینی، غریبی، روزگاری، بین بیوسی و مونجائی ءِ۔ دا ویل آتا ایسر پاکستان پیپلزپارٹی نا سرسہبی تون گنڈوک ءِ۔ بلوچستان، سندھ، پنجاب و خیبرپشتونخوا نا ورناک پوسکن ءُ تاریخ اس پک کیرہ۔ کنا تغ و مشن ءِ کہ پاکستان نا الس شون ہلے، خواری کش و کشارگر تے اوفتا بدلملے، تنظیم سازی بنا کرینن، کل سنگت آتتون اوار مرسا پارٹی ءِ پین فعال کننگ کن کن کڑد ادا کرسا قائد عوام شہید ذوالفقار علی بھٹو نا منشور و شہید گودی بے نظیر بھٹو نا پنت آتے پلو آ تفسا ملک انا کنج کنج اسکان سر کینہ۔ پاکستان پیپلزپارٹی عزت کن سیاست کیک، اسہ ایلو نا عزت ءِ کرسا سیاست کینہ۔ بلاول بھٹو زرداری پارے کہ نن ملک انا کنج کنج اٹی بی بی شہید نا پارٹی ءِ فعال کینہ۔ پاکستان پیپلز پارٹی مچ آ ملک خاص وڑ اٹ بلوچستان اٹی حکومت جوڑ کرسا صوبہ ٹی جیالا اسے وزیر اعلیٰ جوڑ کیک۔ او پارے کہ بلوچستان نا ویل آتے ایسر کینہ، بلوچستان نا مخلوق غیرت مند و بہادر ءِ۔ پیپلزپارٹی نا بلوچستان تون رشتہ اینو ناس اف، مسہ نسل آن ءِ۔ الس قائد عوام شہید ذوالفقار علی بھٹو تون تفینے، نن تاریخ اس پک کریسن، ملک انا غریب الس ءِ توار اس تسن، کشارگر تے ڈغار نا خواجہ کرین، غریب آتے حق تسن، ہراتم الس بے نظیر بھٹو شہید تون تفے، تو نن اسہ وار ولدا تاریخ اس پک کرین، شہید گودی بے نظیر بھٹو نا شہادت آن پد صدرآصف علی زرداری تون الس تفے، نن مسٹمیکو وار تاریخ اس پک کرین و صوبہ غاتے ہمو حق آتے تسن، ہرافتا قائد عوام الس تون قول کریسس، ہمو قول ءِ صدر آصف علی زرداری نا دور اٹ پورو کرین، نن صوبہ غاتے حق ترفین، این ایف سی ایوارڈ ٹہیفین، 18می ترمیم نا کمک اٹ الس نا حق آتے تسن، و وسیلہ غاتا خواجہ جوڑ کرین تا۔

(آن لائن)

Get real time updates directly on you device, subscribe now.

Leave A Reply

Your email address will not be published.