چیئرمین پی ٹی آئی نا دوبہ غاک سٹی و بے کاٹم ءُ، آئی ایس پی آر

عمران خان دروغ نا دوبہ خلنگ ءِ بس کے‘ آخا تو ادارہ دروغ و غلط بیان و غوغا تا برخلاف کانودی کارروائی کننگک

0

Get real time updates directly on you device, subscribe now.

راولپنڈی : پاک فوج انا شعبہ تعلقات عامہ (آئی ایس پی آر) چیئرمین پی ٹی آئی نا کنڈآن حاضر سروس سینئر فوجی افسرآ دوبہ غا سخت ردعمل ترسا اودے بھاز بے چیتا و بے کاٹم گوندانے وخواست کرینے کہ عمران خان کانود نا کسر ءِ ہلے و دروغ نا دوبہ خلنگ ءِ بس کے‘ نہ تو ادارہ دروغ و غلط بیان و غوغا تا برخلاف کانودی کارروائی کیک۔ آئی ایس پی آر آن جاری کروک بیان بیان اٹ پاننگانے کہ چیئرمین پی ٹی آئی بے شاہدی آن اسہ حاضر سروس سینئر فوجی افسر اسے آ بھاز بے چیتا وبے کاٹم ءُ دوبہ خلکنے‘ دا تینے آن گڑوک و بدنیتی آ ساڑی دوبہ غاک بھاز است ہسون کروک‘ مذمت نا قابل و امنا کپروک ءُ۔ آئی ایس پی آر پارینے کہ سال اسے آن دا وڑ مسنے کہ ہراٹی فوجی و انٹیلی جنس ایجنسی تا کارندہ غاتے سیاسی مسخت دوئی کننگ کن خار تروک و سٹی آ غوغا تا کمک اٹ نشان کننگ انگ ءِ‘ نن تعلقدار سیاسی راہشون ءِ پانہ کہ او کانود نا کسر ءِ ہلے و دروغ نا دوبہ خلنگ ءِ بس کے۔ ادارہ پیدوار وڑ اٹ دروغ و غلط بیان و غوغا تا برخلاف کانودی کارروائی کیک۔

(آن لائن)

Get real time updates directly on you device, subscribe now.

Leave A Reply

Your email address will not be published.