ڈی سی نا کماشی ٹی دیوان، نصیر آباد اٹی چار احساس پروگرام سینٹر اڈتننگ نا فیصلہ

0

Get real time updates directly on you device, subscribe now.

کوئٹہ (اے پی پی) ڈپٹی کمشنر نصیر آباد حافظ محمد قاسم کاکڑ نا کماشی ٹی احساس پروگرام نا بابت دیوان اس اڈ ہلک دیوان اٹی اسسٹنٹ کمشنر زغلام حسین بھنگر علی محمد خان ہانبھی ایس ایس پی عرفان بشیر ڈی ایچ او ڈاکٹر عبدالمنان لاکٹی احساس پروگرام نا اسسٹنٹ ڈائریکٹر انور بزارسعید خان لہڑی بینک مینجر تون اوار ایلو آفیسرآک ساڑی ئسر، دیوان اٹی فیصلہ کننگاکہ نصیر آباد اٹی چار احساس پروگرام سینٹر اڈتننگک تحصیل تمبو چھتر اٹی اسہ اسہ وخت اس کہ ڈیرہ مراد جمالی ٹی اِرا احساس پروگرام سینٹر جوڑ کننگک دا سینٹر آتے ٹی کُننگ کن ساف دیر انا فراوانی واش روم، دوتے سلنگ کن دیر اناٹینکی سابون و ایلوفتا بست وبند ءِ کننگک بیرہ زالبول آک احساس پروگرام نا رداٹ زر موصول کننگ کیرہ غٹ حقدار زالبول آتے لین تا دروشم اٹ شین اٹ کاونٹرز آ گدریفنگک کوروناوائرس نا بابت رکھی گام گیج الس اٹ شعورآگہی کن محکمہ تعلیم نا ٹیچر و محکمہ جان جوڑی ایل ایچ ویز ہم تینا زمواری ءِ سر ایترہ تانکہ زالبول آتے ٹی فاصلہ تخسا کوروناءِ توننگ مرے تحصیل تمبو نا سینٹر پی ایس حبیب اللہ بنگلزئی اسکول اٹ جوڑ کننگک تحصیل چھتر نا سینر گوٹھ میر حسن نا اسکول اٹ جوڑ کننگک وخت اس کہ ڈیرہ مراد جمالی شار اٹی اِراسینٹر جوڑ کننگک اسہ سینٹر اس ایریگیشن ریسٹ ہائوس اٹ وخت اس کہ ایلو سینٹر ءِ گورنمنٹ ماڈل ہائی اسکول اٹ جوڑ مریک دیوان اٹی فیصلہ کننگاکہ ہر سینٹر آ اسہ ایمبولینس پیرامیڈیکل اسٹاف تون اوار ساڑی مریک سہب انا نہہ بجہ غان شام انا ہفت بجہ اسکان حقدار زالبول آتے ٹی احساس پروگرام نا رداٹ زر تننگک، دیوان آن تران کرسا ڈپٹی کمشنر نصیر آباد حافظ محمد قاسم کاکڑ پارے کہ اینو 9اپریل آن احساس پروگرام نا داعمل بناکیک ہراٹی پولیس ایف سی نا نفری ءِ ہم تعینات کننگک حکومت سختی نا دے تیٹی نیزگار خاہوت آتون ہم کوپہ سلوک مالی کمک کرسا اوفتے احساس کمتری و نیزگاری آن کشنگ کن گچین وڑاٹ تینا حکمت عملی آ عمل کننگ ءِ ننا کوشست ءِ کہ ہڑدے ئی بنداو آ پانزدہ سد ہرسینٹر آ حقدار آتے ٹی کمکی زر بشخنگ نا چرجوئی ءِ برجاتخنگے دابابت غٹ تر بست وبند آتے حتمی دروشم اس تننگانے نن الس آن ہم خواست کینہ کہ او سینٹر آ اسہ ایلو آن مرسلر انتئے کہ کوروناوائرس نا تالانی نا ہم گڑتی مریک ہنداسوب آن زیات آن زیات رکھی گام گیجءِ اختیارکرسا تینا و ایلوفتا زند ءِ بچفر۔

Get real time updates directly on you device, subscribe now.

Leave A Reply

Your email address will not be published.