ڈپٹی کمشنر شیہک بلوچ ءِ خراج تحسین پیش کینہ‘آغاحفظ الرحمن شاہ
Get real time updates directly on you device, subscribe now.
قلات (تلار حوالکار) پاکستان پیرامیڈیکل اسٹاف قلات نا صدر آغا حفظ الرحمان شاہ‘ عبدالوحید بلوچ‘ علی حسن مینگل‘ عبدالوحید محمدشہی وایلوفک تینا جاری کروک بیان اٹ پارینو کہ ڈپٹی کمشنر قلات شیہک بلوچ کورونا دَین نابابت پیرامیڈیکل اسٹاف وایلو ہیلتھ ورکر آتے ہر وڑ انا آسراتی فراوان کرینے‘ نن غٹ پیرا میڈیکل اسٹاف اودے خراج تحسین پیش کینہ۔ اوپاریر کہ ہراتم آن ڈپٹی کمشنر شیہک بلوچ قلات اٹ تینا عہدہ نا چارج ءِ ہلکنے او قلات اٹ الس و محکمہ جانجوڑی نا کارندہ غاتے جانجوڑی نا آسراتی فراوان کننگ کن ہر وڑ انا کڑد ادا کننگ اٹی ءِ و ہراتم آن ملک اٹ کورونا دَین نا شکبر ناجوڑ آتا کچ اٹ ودکی نا بنا مسنے او میڈیکل اسٹاف نا ہر مشکل وخت اٹ اوڑتون کمک کرینے و اوفتے کورونا نا شکبر ناجوڑ آتا درمان و خیالداری کن پیرامیڈیکل اسٹاف ءِ ہر وڑ انا آسراتی فراوان کرینے ہراڑکن نن اونا منت ءِ ہرفنہ۔