ینگ ڈاکٹر آتا برانز نا مخ تفی ءِ کینہ‘ڈاکٹر عبدالحئی بلوچ
Get real time updates directly on you device, subscribe now.
کوئٹہ (آن لائن) بلوچ اسٹوڈنٹس آرگنائزیشن بولان میڈیکل کالج یونٹ نا سیکرٹری ڈاکٹر عبدالحئی بلوچ ینگ ڈاکٹر آتا برانز نا مخ تفی ءِ کننگ ناپڑو کرسا پارینے کہ ینگ ڈاکٹر آتے تدوک آدے ناروا و غیرکانودی وڑ اٹ دزگیر کرسا اوفتیا لٹکاری کننگا‘ کورونا کون آ جہانی دَین نا توننگ و ناجوڑ آتا درمان کن المی ءِ کہ حکومت ڈاکٹر آتے WHO نا پروٹوکول نا وڑ اٹ رکھی ازباب فراوان کے تاکہ ڈاکٹر آک تینا فرض آتے پورو کننگ کیر۔ ڈاکٹر آک تدوک آ کیہی دے آن دا خواست کریرہ ولے نابود حکومت آ ہچ اثر متو و ڈاکٹر آتے برانز کننگ آبیوس کننگا‘ ہرانا سوب آن ولدا ڈاکٹر آتیا لٹکاری کرسا اوفتے دزگیر کننگا‘ داڑان بلوچستان ٹ واکداری کاریم اٹ اتنگ نا منفی ذہنیت مون آبس کہ جہانی دَین نا وخت آ ہم بلوچستان اٹ پالیسیک ہمودو ہرافتیا ہچ اولسر جاچ ہلنگ پننگ انگ ءِ۔