صوبائی حکومت ناکنڈآن 6کروڑروپئی ءِ ساف و شفاف وڑاٹ بشخنگے‘خلیل تگرانی
Get real time updates directly on you device, subscribe now.
تربت (آن لائن) آل پارٹیز اینڈ ایکٹیویسٹ الائنس کیچ انا کنوینئر خلیل تگرانی سیاسی راہشون تتون اوار تربت پریس کلب اٹ پریس کانفرنس آن تران کرسا پارینے کہ صوبائی حکومت ناکنڈآن 6کروڑروپئی ءِ ساف و شفاف وڑاٹ بشخنگ‘ دابابت آل پارٹیز ءِ آن بورڈ ہلنگے‘ حکومت کورونا دَین نا توننگ اٹ پورو وڑ اٹ بے سہب مسنے، ضلع کیچ اٹ کورونا دَین نا ٹیسٹ اکن کٹ اف ولے حکومت داڑے کیس مفننگ نا دعویٰ کننگ اٹی ءِ‘ کیچ اٹ دمدستی لیب انا بست وبند کننگے و لاک ڈاﺅن نا سوب آن بے روزگار مروک والے دیہاڈی دارتے ٹی راشن بشخنگے۔ داوخت آ آل پارٹیز نا ڈپٹی کنوینئر کامریڈ ظریف ذدگ، نیشنل پارٹی نا راہشون چیئرمین حلیم بلوچ، ضلعی صدر محمد جان دشتی، بی این پی عوامی نا بنجائی راہشون خان محمد جان، خالد رضا، مسلم لیگ نا صوبائی نائب صدر نواب شمبے زئی وایلوفک ساڑی ئسر۔