کورکمانڈرز کانفرنس، ڈاکٹر پیرا میڈیکل اسٹاف و کانود نافذ کروک آتا ستا

راولپنڈی(آن لائن) آرمی چیف جنر قمر جاوید باجوہ ناکماشی کورکمانڈرز کانفرنس اڈ ہلک ہراٹی جیو اسٹریٹجک، ہندی و قومی سلامتی نا امور تا جاچ ءِ ہلنگا۔ آرمی چیف ڈاکٹر، پیرا میڈیکل اسٹاف وکانود نافذ کروک ادارہ غاتے خراج تحسین پیش کرسا پارینے کہ انشاءاللہ کورونا دَین آن بہادرقوم نا وڑ سرخرو مرسا پیش تمنہ‘ سَے شنبے نادے آئی ایس پی آر ناکنڈآن جاری بیان نا رد اٹ آرمی چیف جنرل قمر جاوید باجوہ نا کماشی ٹی کورکمانڈر کانفرنس اڈ ہلک‘ کانفرنس اٹ کور کمانڈر آک ویڈیو لنک انا کمک اٹ بشخ ہلکر۔ آرمی چیف جنرل قمر جاوید باجوہ کیبی علاقہ غاتے ٹی کمکی کاریم تے ترند کننگ نا پارت کرینے۔ کانفرنس اٹ کورونا دَین نا توننگ کن قومی کوشست آتے گنڈنگ آ ہم زور شاغنگانے۔ کانفرنس نا شریدار آک ڈاکٹر، پیرا میڈیکل اسٹاف وکانود نافذ کروک آ ادارہ غاتے خراج تحسین پیش کرسا گلگت بلتستان، آزاد کشمیر و بلوچستان نا علاقہ غاتسکان کمک سر کننگ آ زور شاغنگا۔ کور کمانڈرز کانفرنس آن تران کرسا آرمی چیف جنرل قمر جاوید باجوہ پارینے کہ قوم انا وڑاٹ پرعزم ورناتا اواری اٹ دا چیلنج تون مون ایتنہ‘ انشاءاللہ مشکل نا دا ساہت اٹ پین سوگو آ قوم آنبار پیش تمنہ‘ او پارے کہ کورونا دَین نا مون ءِ توننگ کن ہر شاری نا تینا اہمیت ءِ۔ آرمی چیف جنرل قمر جاوید باجوہ بھارتی بیدادی تا سیخا ٹی دَین اتون مون تروک مقبوضہ کشمیر ناالس ءِ ہم خراج تحسین پیش کرینے