ٹرین آپریشنءِ دُوارہ بناکننگ نا تیاریک پوروءُ ، پڑو کن ہُروک اُن، شیخ رشید

راولپنڈی (اے پی پی) بنجائی ریلوائی وزیر شیخ رشید احمد پارینے کہ پاکستان ریلوے نا ٹرین آپریشنءِ دُوارہ بناکننگ نا تیاریک پوروءُ ، وزیراعظم ہندن کہ لاک ڈاون نا چٹفنگ و ٹرین آپریشنءِ بحال کننگ نا پرمان جاری کینہ دانا 24گھنٹہ ٹی 142ٹرین تے ٹریک آ اتینہ، اوپارے کہ وزیراعظم عمران خان دے ونن الس نا خذمت کن کاریم کننگءِ ، کوروناوائرس جہانیءُ چیلنج اسے ہرادے جہانی سیاسی منظرنامہءِ بدل کننگ ناءِ ، نُت، بورہ نا تنکی آ رپورٹ آن پد ننا امتحان بناکرینے، وزیراعظم عمران خان کیپٹن نا وڑ تینا فیلڈنگءِ بدل کرینے، او جوان چاہک کہ ہراگوازی گرءِ ہراڑے سلفوئی ءِ، و ہراسٹءِ ہراتسکان دروئیءِ ، سبسڈی نا باندات اٹی وزیر ڈٹ بندی اسدعمرنا ہچءُ کڑد اس اف، ہراتم بزنس مین اس سیاست اٹ بریک تو مافیا سوگو مرسا ہنساکیک، اوسے شنبے نادے آ راولپنڈی ریلوے اسٹیشن آ ٹرین تیٹی جوڑ کروک آ کورنٹائن مرکز نا دورہ و چین ریلوے کمپنی پاکستان نا کنڈآن ریلوےءِ عطیہ کروک آ ماسک و سینیٹائزر آتا تننگ نا دود آن تران کریکہ۔ ڈویژنل سپرنٹنڈنٹ ریلوے سید منور شاہ، ایم ڈی کیرج فیکٹری راحت مرزا ، ڈپٹی ڈی ایس انعام اللہ محسود، ڈویژنل آفیسر آک ہم داوخت آ ساڑی ئسر۔