وزیراعلیٰ نا کنڈآن سانحہ بولان نا شہید آتا خاہوت آتیکن مالی امداد نا فراوانی نا پڑو

کوئٹہ : وزیراعلیٰ بلوچستان میر عبدالقدوس بزنجو نا کنڈآن سانحہ بولان نا شہید آتا خاہوت آتیکن ودکی مالی امداد نا فراوانی نا پڑو ءِ کننگانے۔ میر عبدالقدوس بزنجو پڑو کرینے کہ شہید آتا خاہوت آتے شہداء تلافی (کمپنسیشن) نا ترمیم مروک پالیسی نا رداٹ ودکی معاوضہ تننگک، شہید آتا خاہوت آتا کفالت صوبائی حکومت نا زمواری ءِ، بمب دھماکہ نا بھاز و زرس ٹھپی مروک آتے ہم ترمیم مروک پالیسی نا رداٹ ودکی معاوضہ تننگک۔ یات سلے کہ ساڑی ہی ٹی صوبائی کابینہ پولیس و لیویز شہداء تلافی پالیسی ٹی ترمیم کرسا اوٹی ودکی نا منظوری ءِ تسوسس۔ وزیراعلیٰ شہید آتا خاہوت آتیکن کمپنسیشن پالیسی ٹی طے مروک معاوضہ ٹی دہ لکھ روپئی ودکی تننگ نا پڑو ہم کرینے و پارینے کہ ٹھپی تا درمان نا غٹ خڑچ آتے ہم صوبائی حکومت سگک۔

(اے پی پی)