کوئٹہ، سرکی روڈ آ گیس انا لیک مننگ نا دھماکہ،6 بندغ زوال

کوئٹہ : کوئٹہ نا علاقہ سرکی روڈ آ اُراسے ٹی گیس انا لیک مننگ نا سوب آن دھماکہ ٹی اِرا زالبول تون اوار 6 بندغ زوال وخت اس کہ 4 بندغ ٹھپی مسنو۔ پولیس نا رداٹ سے شنبے نادے آ کوئٹہ سرکی قلعہ نا خڑک گیس لیک مننگ نا سوب آن دھماکہ مس ہراٹی اِرا زالبول تون اوار 6 بندغ زوال کریر وخت اس کہ 4 بندغ ٹھپی مسر دھماکہ ٹی مچ آ اُرا بھس مس، ایدھی و پولیس ءِ حوال ملنگ تون واقعہ نا جاگہ غا سرمرسا کیرغ آن میت آتے کشسا ہسپتال آ گدریفیر وخت اس کہ ٹھپی تے طبی امداد تننگ انگ ءِ۔ مستی دا چرجوئی ٹی جاست وپاست برجاءِ۔

(اے پی پی)