نیاڑی تا اواری آن بیدس راج شون ہلنگ کپک، قدوس بزنجو

کوئٹہ : وزیراعلیٰ بلوچستان میر عبدالقدوس بزنجو پارینے اسہ راج اس ہم نیاڑی تا اواری آن بیدس شون ہلنگ کپک‘ نن اصلاحات نا ایجنڈا نا رد اٹ چادر وچاردیوالی نا تقدس ءِ برجا تخسا زند انا ہر بشخ اٹ نیاڑی تا لائخی تیان فائدہ ہرفنگ کن گام گیج کننگ اٹی ان‘ نیاڑی تا جہانی دے انا رد اٹ تینا کلہو اٹ زیراعلیٰ پارے کہ ای صنفی بریبری و نیاڑی تا شونداری تا پالیسی تا مخ تفی ءِ کیوہ ہرانا مسخت نیاڑی و مسن تیکن بھرمی اصلاحات کرسا اوفتے جوان ءُ چاگڑد اس فراوان کننگ ءِ و کل بشخ آتے ٹی اوفتا اواری ءِ پک کرسا اوفتے ہم راج انا شونداری ٹی تینا کڑدار ءِ ادا کننگ نا وارخواہی فراوان کننگ ءِ۔ وزیراعلیٰ پارے کہ صوبائی حکومت نیاڑی تے کل بشخ آتے ٹی بریبری نا وارخواہی فراوان کننگ کن پرعزم ءِ و پالیسی تے ٹی اصلاحات نا کمک اٹ نیاڑی تا شونداری ءِ پک کرسا سفر نا بناءِ کننگانے۔

(خ ن)