کوئٹہ : حکومت بلوچستان پولیس و لیویز شہید مپنسیشن پالیسی اٹ ترمیم کرسا پیسہ غاتیٹی ودکی نا منظوری تس۔ صوبائی کابینہ نا منظوری آن پد محکمہ خزانہ نوٹیفیکیشن جاری کرے۔ نوٹیفیکیشن نا رداٹ شہیدسپاہی،ہیڈ کانسٹیبل،اے ایس آئی،ایس آئی و انسپکٹر (گریڈ 1 تا 16) نا کمپنسیشن 30 لکھ روپئی آن ودفسا اسہ کروڑ روئی کرے۔ شہید اے ایس پی و ڈی ایس پی (گریڈ 17) نا کمپنسیشن 50 لکھ روپئی آن ودفسا اسہ کروڑ پنجاہ لکھ روپئی کرینے۔ گریڈ 18 و 19 نا پولیس و لیویز شہید افسر تا کمپنسیشن 90 لکھ روپئی آن ودفسا 2 کروڑ روپئی کرے۔ گریڈ 20 آن 22 نا شہید پولیس افسر نا کمپنسیشن اسہ کروڑ روپئی آن ودفسا 2کروڑ روپئی کرینے۔ شہید آتا خاہوت ءِ رہنگوک پلاٹ نا بابت اٹ رسینگوک آ نقد پیسہ غاتیٹی ودکی کرینے۔ نوٹیفیکیشن نا اطلاق زوت اس مریک۔ وزیراعلیٰ بلوچستان میر عبدالقدوس بزنجو تدوک آ دے بولان نا شہید آتا خاہوت آتے ترمیم کروک آ پالیسی نا رداٹ کمپنسیشن تننگ نا پارت کرینے وخت اس کہ وزیراعلیٰ بولان سانحہ نا شہید آتا خاہوت آتے دہ دہ لکھ روپئی ودکی تننگ نا پڑو ءِ ہم کرینے۔ سانحہ بولان نا شہید آتا خاہوت ءِ کمپنسیشن نا مد اٹ اسہ کروڑ دہ لکھ روپئی تننگک۔ داکان بیدس آئی جی پولیس بلوچستان عبدالخالق شیخ پارینے کہ فورس انا ویل آتا ایسری کن اسہ کماش اسے نا حیثیت اٹ ہر فورم آ پولیس و خاص کر شہید آتا خاہوت آتا ویل آتا ایسری کن تینا توار ہرفنگک۔ کنے ہچ ءُ حالیت اسے ٹی شہید آتا خاہوت آن جتا تکنگپ۔ ہرافک وطن عزیز نا خاطر تینا جان تے قربان کریر۔

(خ ن)