پی ٹی آئی باسک آتا استیفہ غاتے منظور کننگ نا برخلاف درخواست آ سماعت ملتوی
Get real time updates directly on you device, subscribe now.
لاہور : لاہور ہائی کورٹ تحریک انصاف نا قومی اسمبلی نا باسک آتا استیفہ غاتے منظور کننگ نا برخلاف درخواست آ سماعت ءِ بروک آ ہفتہ کن پد بٹسا الیکشن کمیشن نا ڈی نوٹی فائی کننگ نا نوٹیفکیشن آ عملدرآمد ءِ معطل کننگ نا حکم امتناعی ٹی ودکی کرے۔ عدالت بنجائی حکومت و الیکشن کمیشن ءِ ورندی داخل کرفنگ نا ہم مہلت تس۔ جسٹس شاہد کریم تحریک انصاف نا 43 قومی اسمبلی نا باسک آتا استیفہ غاتے منظور کننگ نا برخلاف درخواست آ سماعت کرے۔ عدالتی پرمان آ کابینہ ڈویژن نوشتہی ورندی جمع کرفینے۔ عدالت بروک آ سماعت آ غٹ فریق آتے ورندی جمع کرفنگ نا پارت کرینے۔ عدالت پی ٹی آئی نا پنجاب نا اسمبلی نا باسک آتا استیفہ غاتا منظوری نا برخلاف جاری حکم امتناعی ٹی ہم بروک آ سماعت اسکان ودکی کرے۔
(اے پی پی)