گچین کاری نا بابت فیصلہ الیکشن کمیشن کروئی ءِ، رانا ثناء اللہ

اسلام آباد : وفاقی وزیر داخلہ رانا ثنا اللہ پارینے کہ گچین کاری کرفنگ یا کرفپننگ نا الیکشن کمیشن نا دوٹی ءِ۔ گچین کاری تے پد بٹنگ نا فضل الرحمان نا بیان ستا کڑزک، دن انگا حالیت آتیٹی پین مف گچین کاری مہم چلیفنگ تو اسُل مننگ کپک، مولانا فضل الرحمان نا سلاہ غا پی ڈی ایم نا دیوان ءِ بٹنگ انگ ءِ، چم بازی عمران خان نا خُو جوڑ مسنے، عدالت آتیٹی پیش مروئی تمک، آخا تو نن پیش کینہ تے، عمران خان تون ننا سیاسی اختلاف تو ارے، ولے اودے سیاسی دشمنی ٹی بایدے بدل کننگپ۔ دوبہ خلنگ بھاز خطرناک مننگ کیک، عمران خان دا وڑ بایدے کپ، زرگزرنی حالیت آک جوان افس۔ دہشت گردی ءِ ماس کش کینہ۔ بنجا بلوچستان حکومت تون سلوک ءِ۔ اسلام آباد اٹی پریس کانفرنس کرسا وزیر داخلہ رانا ثناء اللہ پارے کہ سبی میلہ مسہ دے چکا، پولیس نا گاڈی میلہ نا سیکورٹی آن پدی بسکہ۔ واقعہ ٹی 9 شہادت مسنو، بنجائی حکومت صوبائی حکومت و سکیورٹی ادارہ غاتتون حالی حوالی ارے۔ زرگزرانی حالیت آک جوان افس۔ دہشتگردی ءِ ماس آن کشنہ، بنجا بلوچستان حکومت تون پورو سلوک ءِ۔ سکیورٹی ادارہ غاتے کل وسیلہ غاتے فراوان کننگ انگ ءِ۔ ملک زرگرانی ویل آتا گواچی ءِ، ولے ولدا ہم سیکورٹی باندات آتیٹی نئے مہالو مالی کٹوتی مسوسس، و نئے داسہ کیک۔ صوبائی حکومت آتے وسیلہ تننگسا ہنانے، اپیکس کمیٹی ٹی صوبہ غاک ہرا درکار گڑا تے خواہسنو، اوفتے دمدستی پورو کننگ اٹی اُن۔ او پارے کہ عمران خان تون ننا سیاسی اختلاف تو ارے، ولے دادے بایدے دشمنی جوڑ کننگپ۔

(آن لائن)