گھڑی دُز پولیس ءِ خننگ تون تینے ڈکک، مریم اورنگزیب

نروک آ بندغ پولیس نا ہِننگ آن پد دا پیش تمسا بھلو ہیت کیک، دا بندغ کانود و آئین ءِ یرغمال کرینے

0

Get real time updates directly on you device, subscribe now.

اسلام آباد : بنجائی حوالکاری و شینکاری وزیر مریم اورنگزیب پارینے کہ گھڑی دُز پولیس ءِ خننگ تون تینے کوڈ کیک، پولیس نا ہِننگ آن پد دا پیش تمسا بھلو ہیت کیک، دا بندغ کانود و آئین ءِ یرغمال کرینے، عمران خان ادارہ غاتا برخلاف بدزبانی و مہم جوئی کیک، کس اس اَرفوک ءُ اف، اودے سماءِ کہ ہرادے عدالت نا مون آ پیش مس تو ہلنگک۔ دوشنبے نادے آ میڈیا تون گپ وتران کرسا بنجائی وزیر حوالکاری پارے کہ پاکستان نا الس خننگ ءِ کہ اسہ فارن فنڈڈ ایجنٹ، گھڑی دُز پولیس ءِ خننگ تون تینے کوڈ اٹی ڈکھک و پولیس نا ہِننگ آن پد دا تینا کوڈ آن پیش تمسا بھلو ہیت کیک، دا بندغ پاکستان نا کانود و آئین ءِ یرغمال کرینے، داغٹ آن پد ہم دا بندغ عدل نا نظام نا پلکہ غاتیا سوار ءِ۔ اوپارے کہ دابندغ ءِ سماءِ کہ اخس ترند پوہاڑ کیک ہموخس زوت اودے ریلیف ملک۔ اودے سماءِ کہ دا عدلیہ غا جلہو گیر مریک۔ غنڈہ گردی کیک، عدلیہ ءِ دھڑکو ایتک تو ادے بیل ملک، دابندغ عدالت نا مون آ داسوب آن پیش مفک انتئے کہ اودے سماءِ کہ دا گھڑی دُز و فارن ایجنٹ اسے، او پاکستان نا الس ءِ لُٹا و کبینی نا چکی ٹی بِٹے، و دا چاہک کہ ہرادے دا عدالت نا مون آ پیش مس تو ہلنگک۔ اوپارے کہ اودے ہراتم پولیس ہلنگ کن بریک تو دا پوہاڑ کیک و کوڈ اٹی پترینگک، دا تینے بچفنگ کن زالبول وچناتے ڈھال جوڑ کیک۔ بنجائی وزیر حوالکاری پارے کہ دا بندغ نا بارواٹی ہندا مثال ءِ کہ ای دُزی کرینٹ تو کنے انت کیسہ، مچ آ نظام اونا دوتے اٹ بیوس ءِ۔ اوپارے کہ عمران خان ادارہ غاتا برخلاف غلاظت و مہم جوئی کیک، عمران خان ءِ سما ءِ کہ او عدلیہ غا جلہو کیک، دھڑکو ایتک تو اودے بیل ملک۔ اوپارے کہ عمران خان اگہ ڈوہ کتنے تو عدالت اٹی پیش مرے ولے دا بیرہ کوڈ اٹی تولنگ کیک۔ اوپارے کہ زمان پارک اٹی سمجھوتہ ایکسپریس روانگی کن تیار ءِ ولے دا سمجھوتہ آخا این آراو کن منت آک ءُ، فارن ایجنٹ توشہ خانہ دُز ءِ این آر او درکار ءِ، او ہموخت آ سوچوسس ہراوخت آ گھڑی دُزی و توشہ خانہ غا ڈاکہ خلککہ، تینا ملازم آتا کمک اٹ فارن ایجنٹ جوڑ مرسا فارن فنڈنگ و منی لانڈرنگ کریکہ۔

(اے پی پی)

Get real time updates directly on you device, subscribe now.

Leave A Reply

Your email address will not be published.