زیارت‘ حکومت تعلیم نا آب آ گام گیج کننگ اٹی ءِ‘ شبیر احمد بادینی
Get real time updates directly on you device, subscribe now.
زیارت : حکومت تعلیم نا آب انا جوانی کن جوان گام گیج کننگ اٹی ءِ۔ دا خیال آتا درشانی ءِ ڈپٹی کمشنر زیارت شبیر احمد احمد بادینی ڈی سی آفس محکمہ تعلیم زیارت نا کنڈآن اسکول داخلہ مہم 2023 نا بابت اٹ پریس کانفرنس آن تران کرسا کرے۔ او وخت آ ڈسٹرکٹ ایجوکیشن افسر لطیف اللہ غرشین، ڈسٹرکٹ پولیس افسر اختر اچکزئی ڈی او ای میل بختیار کاکڑ ڈی او ای فیمیل عالیہ کاکڑ ڈی ڈی اوغلام رسول کاکڑ ڈی او ای سنجاوی نقیب اللہ کاکڑ، فرزانہ ارباب، فرزانہ کلثوم، معین خان، و ایلو افسرک ساڑی ئسر۔ ڈپٹی کمشنر زیارت شبیر احمد بادینی او وخت آ تران کرسا پارینے کہ کل لمہ باوہ غاک تینا چناتے اسکول اٹ داخل کیر و داخلہ مہم ءِ سرسہب کننگ اٹ کڑد ادا کیر و تینا چناتے تعلیم ایتر۔ او پارینے کہ حکومت استاد و چناتے اسکول آتیٹی خننگ نا خواہندارء ِ۔ اسکول داخلہ مہم نا بابت اٹ اُلس اٹ پین شعور اتنگ نا گرج ءِ۔
(آن لائن)