ڈھاڈردھماکہ ٹی کارندہ غاتا شہادت آ بخال پنچایت نا ہولی ءِ سادہی ٹی اڈ تننگ نا پڑو
Get real time updates directly on you device, subscribe now.
ڈھاڈر : ڈھاڈر دھماکہ ٹی بی سی نا ورنا تا شہادت آ بخال پنچایت ڈھاڈر ہولی ءِ سادہ اڈ تننگ نا پڑو ءِ کرے۔ بخال پنچایت ڈھاڈر کمبڑی نا ہند آ بلوچستان کانسٹیبلری نا گاڈی آ دھماکہ ٹی بی سی نا ورنا تا شہادت نا بابت تینا مذہبی تہوار ہولی ءِ جوش و جوزہ ٹی اڈ تننگ نا پروگرام ءِ رد کرسا سادہی ٹی اڈ تننگ نا پڑو ءِ کرینے۔ بخال پنچایت نا ترجمان نا پوسکن آ واقعہ آ بھاز اُست ہسونی نا درشانی ءِ کرسا پارینے کہ بخال پنچایت ڈکھ انا دا ساعت اٹ زہمی آ خاہوت تون اوار ءِ۔ و نن فیصلہ کرینن کہ ہولی نا تہوار ءِ سادہی ٹی اڈ تننگک۔ بخال پنچایت تینا سیکوریٹی فورس آتا قربانی تے خراج عقیدت پیش کیک۔ ترجمان دھماکہ ٹی ٹھپی کارندہ غاتا جانجوڑی کن دعا و اُست خواہی نا درشانی ءِ کرے۔
(آن لائن)