پورٹ آف اسپین ٹیسٹ،پاکستان ویسٹ انڈیز ءِ 8 وکٹ اٹ کٹا
Get real time updates directly on you device, subscribe now.
ورٹ آف اسپین، پاکستان ارٹمیکو ٹیسٹ میچ اٹی ویسٹ انڈیز ءِ 8 وکٹ اٹ کٹسہ شاندار سرسہبی اس دوئی کرے۔ پورٹ آف اسپین اٹی ارٹمیکو ٹیسٹ نا چارمیکو دے ویسٹ انڈیز تینا ارٹمیکو اننگز 103 رنز 6 کھلاڑی آؤٹ آن بناء کرے، ولے میزبان ٹیم نا بیٹنگ لائن اڑاند آتا گواچی مس۔ویسٹ انڈیز نا گڈیکو مسہ وکٹ بیرہ 14 رنز نا ودکی آن پد تمار و مچ آ ٹیم ارٹمیکو اننگز اٹی بیرہ 117 رنز آ ڈھیر مس۔ پاکستان نا کنڈ آن اسپنر ساجد خان و علی عثمان شاندار کارکڑد نا مظاہرہ کرسا 4، 4 وکٹ ہرفنگ اٹی سرسہب مسر۔ ویسٹ انڈیز پاکستان نا ٹیم ءِ گوازی کٹینگ کن بیرہ 75 رنز نا ہدف تس، ہرا نا ورندی ٹی پاکستان نا بلے باز آک پُر اعتماد گوازی نا مظاہرہ کریر و بیرہ 2 وکٹ نا نسخان آ دا ہدف ءِ آسانی اٹ دوئی کرسا میچ ءِ کٹار۔