سائپا گاڈی تا انٹری سسٹم ءِ دمدستی بند کننگے، حاجی مولا بخش محمد حسنی

چاغی نا قبائلی و سیاسی راہشون حاجی جمعدار مولا بخش محمد حسنی تینا اسہ بیان اسے ٹی پارینے کہ سائپا گاڈی تا انٹری سسٹم ءِ دمدستی چٹفنگے انتئے کہ تحصیل چاغی نا سائپا گاڈی والاک کیہی سال آن داٹی اوار افس۔ او پارے کہ تحصیل چاغی نا کیہی سائپا گاڈی والاتے انٹری سسٹم اٹی اسُل گوجالنگانے ہرانا سوب آن لس شاری و کاروباری تپہ بھاز خواری تا گواچی ءِ‘ او پارے کہ انٹری سسٹم نا سوب آن سائپا گاڈی تا مالک آتتون اوار ہندی الس نا روزگار اٹی اڑاند آک ودی مننگ اٹی ءُ۔ او وزیراعلیٰ بلوچستان میر سرفراز بگٹی، چیف سیکرٹری بلوچستان و ڈی سی چاغی جہانزیب نور شاہوانی آن خواست کرے کہ ضلع چاغی نا سیمی علاقہ غاتا الس نا کاروبار ءِ ودفنگ کن پین پوائنٹ ملنگے و پن انا انٹری سسٹم ءِ چٹفسا الس ءِ آسانی اٹ کاروبار کننگ نا موکل تننگے۔ چاغی (نامہ نگار)