ڈپٹی کمشنر فریدہ ترین نا کماشی ٹی کشمیری الس تون یکجہتی کن ریلی

صحبت پور، یومِ استحصالِ کشمیر نا وخت آ ڈپٹی کمشنر صحبت پور فریدہ ترین نا کماشی ٹی اسہ مسختی آگاہی ریلی اس اڈتننگا۔ دا ریلی نا مسخت مقبوضہ جموں و کشمیر نا مظلوم الس تون یکجہتی نا درشانی کننگ و جہانی برادری نا چکار ءِ بھارتی بیدادی نا کنڈ آ کننگ ئسکہ۔ ریلی ٹی سپرنٹنڈنٹ آف پولیس، سرکاری محکمہ غاتا سروک، ضلعی انتظامیہ نا افسر، سول سوسائٹی نا نمائندہ، استاد، طالب علم و شاری تا بھلو کچ اس بشخ ہلک۔ شریدار آک بینر و پلے کارڈ ہرفیسر ہرافتیا کشمیری الس نا حقِ خودارادیت نا حق اٹی نعرہ غاک نوشتہ ئسر وخت اس کہ شریدار آک کشمیر مریک پاکستان و کشمیری تتون یکجہتی نا نعرہ ہم خلکر۔ ریلی نا بنا ڈپٹی کمشنر آفس صحبت پور آن مس ہرا جتا جتا شاہراہ تیان مرسا مین چوک صحبت پور آسرمس ہراڑے او ایسر مس۔