لیونل میسی نا 2021 اٹ فٹبال کلب بارسلونا ءِ اِلنگ نا فیصلہ

بارسلونا (مانیٹرنگ ڈیسک) لیونل میسی بارسلونا ءِ 2021 آن پد خدا حافظ کننگ کن تیار ءِ۔ بارسلونا نا کیپٹن لیونل میسی کلب تون معاہدہ ٹی ودکی نا ہیت وگپ ءِ چٹفے۔ او ساڑی معاہدہ نا چٹنگ نا وخت آ رخصت کننگ نا تیاری ءِ کننگ اٹی ءِ۔ او کروک آ معاہدہ 2021 اٹ پورو مریک۔ میڈیا رپورٹ نا رداٹ میسی و والد جارج معاہدہ ٹی ودکی ہلنگ نا بابت ہیت وگپ کریسُر ولے داسہ او کیمپ ناؤ ٹی پین سلنگ نا ہچ ءُ ارادہ اس تخپک۔ وخت اس کہ او تینا پروفیشنل کیریئر نا بنا 2005 اٹ ہندا کلب آن کریسُس۔ میسی بارسلونا ءِ لالیگا لیگ اٹ 10 وار چمپئن کرے، بارسلونا 4 وار یوئیفا چمپئن شپ ءِ کٹا و 6 وار کوپا ڈیل رے ٹی سرسہبی دوئی کرے۔ ولدا معاہدہ مفننگ نا حالیت اٹ میسی سال آ کلب آن جتا مریک وخت اس کہ او 2018 آن کلب ٹیم نا کیپٹن ہم ارے۔ میسی نا تعلق ارجنٹائن تون ءِ او تینا ملک انا فٹبال ٹیم نا ہم کماشی ءِ کیک۔ ایلو کنڈآ میسی نا کلب ءِ اِلنگ آن پد سٹی آ افواہ پیری کننگ اٹی ءِ۔ افواہک ہندن ءُ کہ اوفک یا تو انگلش کلب ءِ جوائن کیک یا تینا باوہ پیری آ شار آ پدی کاہک۔