منیزے زین لی پاکستان فٹبال فیڈریشن نا اولیکو نیاڑی جنرل سیکرٹری پِن

لاہور (مانیٹرنگ ڈیسک) منیزے زین لی ءِ نہ بیرہ پاکستان وخت اس کہ سویلی ایشائی ملک آتیٹی کل فٹبال فیڈریشن آتا اولیکو نیاڑی کمامدار مننگ نا اعزاز دوئی ءِ۔ برطانوی نشریاتی ادارے بی بی سی ٹی شینک مروک آ رپورٹ نا رداٹ منیزے زین لی ءِ باقاعدہ وڑاٹ انٹرویو آن پد دا اہم انگا عہدہ کن گچین کننگانے۔ او پارینے کہ اودے اومیت ءِ کہ او پاکستان اٹ فٹبال نا جوانی کن گڑاس کیک۔ او دا وخت آ یونیورسٹی آف لندن آن کانود نا تعلیم دوئی کننگ اٹی ءِ۔ بی بی سی ءِ تروک آ اسہ انٹرویو سے ٹی او پارینے کہ حقیقت دادے کہ اگہ ننتون جوان ءُُ گوازی گر مریک او اگہ گوازی نا پِڑ آ دنیا ٹی پن اس کٹان تو داڑان ملکی شونداری نا کسرک ہم ملنگرہ۔ منیزے زین لی مستی پارینے کہ پاکستان اٹ فٹبال نا نرینہ و نیاڑی گوازی گرتیٹی بھاز ٹیلنٹ ارے ہرا کس اسے آن کم اف۔ ولدا ہم گرج دا ہیت انا ءِ کہ اوفتے گڑانا گڑاس ٹریننگ تو تننگے، اوفتے اُست تننگا تو کرکٹ نا وڑ فٹبال اٹ ہم پاکستان نا پن گچین مریک۔