ورلڈ ٹی 20 نا کینسل کننگ آن کرکٹ ءِ نسخان رسینگک‘انضمام الحق

لاہور (مانیٹرنگ ڈیسک) قومی کرکٹ ٹیم نا مسکوہی کیپٹن و مسکوہی چیف سلیکٹر انضمام الحق پارینے کہ ٹی ٹوئنٹی ورلڈکپ ءِ کینسل کرسا انڈین پریمیئر لیگ (آئی پی ایل) ءِ کرفنگا تو کیہی سوج آک ودی مریرہ۔ تینا بیان اٹ انضمام الحق پارینے کہ اگہ اسہ ملک اس لاک ڈاؤن اٹ آئی پی ایل کرفنگ کیک تو ورلڈ ٹی ٹوئنٹی انتئے مننگ کپک، آئی سی سی ایونٹ و سیریز نا جاگہ غا پرائیوٹ لیگ آتے اولیت تس تو کرکٹ ءِ نسخان رسینگک۔ او پارینے کہ ورلڈ ٹی ٹوئنٹی آسٹریلیا و نیوزی لینڈ اواری ٹی مہمانداری ءِ کیر تو ممکن مننگ کیک ولے پرائیوٹ لیگ ءِ انٹرنیشنل کرکٹ ءِ بایدے اولیت تننگپ او پرائیوٹ ءُُ لیگ اسے اولیت تننگ نا نسخان آک بھاز ءُ۔ مسکوہی کیپٹن پارینے کہ ایشیاء کپ نا تاریخ آ ہم کیہی گڑتیک بنا مسنو۔ آئی سی سی و اے سی سی انٹرنیشنل کرکٹ ءِ اہیت ایتر انتئے کہ مچٹ ءُ مفاد اسے کن پد انا نسخان آک زیات مریرہ وخت اس کہ کل کرکٹ بورڈ ءِ اواری ٹی دا بابت اٹ سوئی تمک۔ یات سلے انٹرنیشنل کرکٹ کونسل (آئی سی سی) ٹی ٹوئنٹی ورلڈ کپ 18 اکتوبر آن 15 نومبر اسکان آسٹریلیا ٹی شیڈول ءِ ولے کورونا وائرس نا سوب آن میگا ایونٹ ءِ کینسل کننگ نا ہیت آک مننگ اٹی ءُُ وخت اس کہ میڈیا رپورٹ آتا رداٹ ایونٹ ءِ کینسل کننگ نا فیصلہ مسنے وخت اس کہ کینسلی نا پڑو سلوک ءِ۔