فٹبال پریمیئر لیگ‘ آرسنل نارویچ سٹی ءِ 4 گول اٹ کٹا
Get real time updates directly on you device, subscribe now.
لندن (مانیٹرنگ ڈیسک) فٹبال پریمیئر لیگ اٹ آرسنل نا نارویچ سٹی نا برخلاف 4 گول کرے، 4-0 نا سرسہبی ٹی پوائنٹ ٹیبل آ مونی ہنسا ہفتمیکو پوزیشن ءِ دوئی کرے، ویسٹ ہیم تگڑی ٹیم چیلسی ءِ 3-2 اٹ اپ سیٹ کرے۔ لاک ڈاؤن ایس او پیز اٹ فٹبال پریمئر لیگ مقابلہ، آرسنل و نارویچ نا ٹیم تا نیام جوان مقابلہ مس۔ آبامیانگ نا اِرا گول و سرسہب انگا ایکشن کل انا ذہن تے تینا کُنڈ آ کرے۔ آرسنل حریف گوازی گرتے حیران کرسا 4 گول اٹ سرسہبی دوئی کریر او پوائنٹ ٹیبل آ شون ہلکر، ٹیم داسہ ہفتمیکو نمبر آ بس۔ ارٹمیکو میچ اٹ نیو کاسل یونائیٹڈ برنماؤتھ ءِ 4-1 اٹ بے سہب کرے۔ نیوکاسل نا پدریسہ غا سرسہبیک، پریشر نا گواچی آ انجری ٹائم اٹ اسہ گول اس کننگ کرے۔ ویسٹ ہیم نا ٹیم چیلسی تون مقابلہ مس، اونا گوازی گرک جوان گوازی کرسا میچ ءِ تینا پن آ کریر، 3-2 اٹ اپ سیٹ کرسا پوائنٹ ٹیبل آ شون ہلکر۔