سری لنکن گوازی گر کوشال مینڈس دزگیر
Get real time updates directly on you device, subscribe now.
کولمبو (مانیٹرنگ ڈیسک) سری لنکا نا کرکٹ ٹیم نا گوازی گر کوشال مینڈس ءِ پولیس 74 سال نا بندغ اسے کسفنگ نا دوبہ ٹی دزگیر کرے۔ درملکی خبر رساں ادارہ نا رداٹ کولمبو ٹی سری لنکن گوازی گر کوشال مینڈس نا کار انا ڈوک لگنگ آن اسہ سائیکل سوار ءُُ 74 سال نا بندغ اس بھاز ٹھپی مسوسُس ہرا پد آن تپاخت کرے۔ سری لنکن گوازی گر کوشال مینڈس او وخت آ کار ءِ تینٹ چلیفیکہ۔ پولیس کوشال مینڈس ءِ دزگیر کرسا مقدمہ ءِ درج کرینے۔ یات سلے کہ 25 سال نا وکٹ کیپر بیٹسمین 44 ٹیسٹ و 76 اسہ دے ئی میچ آتیٹی سری لنکا کن گوازی کرینے۔ کوشال مینڈس ہمو اسکواڈ اٹ اوار ئس ہرا لاک ڈاون نا ایسری آ ٹریننگ نا بنا ءِ کریسُس۔