پی ٹی ڈی سی بند متنے‘اصلاحات کننگ انگ ءِ‘ زلفی بخاری
Get real time updates directly on you device, subscribe now.
اسلام آباد(آن لائن) وزیراعظم نا خصوصی کمکار و پاکستان ٹورازم ڈیویلپمنٹ کارپوریشن نا چیئرمین زلفی بخاری پارینے کہ سیاحت نا جوانی کن 10 سالہ پالیسی وخت اس کہ5 سالہ ایکشن پلان تیار کننگانے۔ پی ٹی ڈی سی ءِ ہروخت کن بند کتنن۔ وخت اس کہ داٹی جوانی اتنگ انگ ءِ۔ ای ضمانت ایتوہ نم اسہ سال اسے ٹی ننا فیصلہ نا نتیجہ غاتے ہررہ او پی ٹی ڈی سی فائدہ کیک۔ اسلام آباد اٹ پریس کانفرنس کرسا زلفی بخاری پارینے مچ آ دنیا ٹی کل ملکی پیداوار (جی ڈی پی) نا 10 درسد سیاحت آن دوئی مریک ولے پاکستان نا جی ڈی پی ٹی سیاحت نا بشخ 3 درسد ہم اف اودے ودفنگ آن ارب آ روپئی تا آمدن دوئی مریک۔ زلفی بخاری پارینے کہ نیشنل ٹورازم کوآرڈنیشن بورڈ (این ٹی بی سی) 2020 آن2030 نا 10 سال نا پالیسی اس جوڑ کننگ اُن۔ او داٹی 5 سال کن ایکشن پلان اس ہم تیار کننگانے۔