پی ایس ایل نا بابت اٹ خیبر پختونخوا نا شیدائی تیکن مستائی

0

Get real time updates directly on you device, subscribe now.

لاہور (مانیٹرنگ ڈیسک) پاکستان کرکٹ بورڈ (پی سی بی) نا بورڈ آف گورنرز (بی او جی) پاکستان سپر لیگ (پی ایس ایل) ءِ کمرشل ڈپارٹمنٹ آن جتا کرسا اسہ جتا ءُ ڈیپارٹمنٹ اس جوڑ کننگ نا منظوری تس۔ پاکستان کرکٹ بورڈ نا بورڈ آف گورنرز نا 58 میکو دیوان ویڈیو لنک آ مس ہرانا کماشی ءِ چیئرمین پی سی بی احسان مانی کرے۔ بی او جی پاکستان سپر لیگ 2020 نا 30 میچ آتا سرسہبی ٹی اڈ تننگ آ پی سی بی ءِ مبارکبادی پیش کرے۔ بی او جی ءِ پاننگانے کہ پی ایس ایل 5 نا ایلو میچ آتا ایلو سال آ اڈ تننگ کن ڈٹ بندی کننگ انگ ءِ۔ وخت اس کہ لیگ انا ایلو ایڈیشن اٹ پشاور ءِ پنچمیکو وینیو اوار کننگک وخت اس کہ دا ایڈیشن فروری و مارچ 2021 اٹ اڈ ہلیک۔ بورڈ آف گورنرز پی ایس ایل ءِ کمرشل ڈپارٹمنٹ آن جتا کرسا اسہ جتا ءُ ڈیپارٹمنٹ اس جوڑ کننگ نا منظوری تس۔ پی ایس ایل نا پراجیکٹ ایگزیکٹو شعیب نوید دا بشخ انا کماشی ءِ برجا تخک وخت اس کہ او دا وخت اٹ کل اسٹیک ہولڈر آتون تعلقداری ءِ پین جوان کننگ و اسہ آب انا ایونٹ اسے نا اڈ تننگ ءِ پک کننگ کن ہروڑ نا گام گیج کیک۔ دا بابت اٹ اسہ نگران گروپ اس جوڑ کننگانے ہراٹی پی سی بی نا چیف ایگزیکٹو، چیف آپریٹنگ آفیسر، چیف فنانشل آفیسر و ڈائریکٹر کمرشل اوار ءُ۔

Get real time updates directly on you device, subscribe now.

Leave A Reply

Your email address will not be published.