مسکوہی کرکٹرخالد وزیر 84 سال نا وہی اٹ کزیت کرے
Get real time updates directly on you device, subscribe now.
اسلام آباد (مانیٹرنگ ڈیسک) پاکستان نا مسکوہی ٹیسٹ کرکٹر خالد وزیر 84 سال نا وہی اٹ کزیت کرے۔ او بھلو وخت اسے آن ءِ ناجوڑ ئس۔ میڈیا رپورٹ نا رداٹ مسکوہی ہندوستانی ٹیسٹ کرکٹر سید وزیر علی نا مار خالد وزیر انگلینڈ نا برخلاف1954 ٹی لارڈز آن ٹیسٹ کیریئر نا بنا ءِ کرے۔ او کیریئر نا 2 ٹیسٹ میچ آتیٹی بیرہ 14 رنز جوڑ کرے او 18 فرسٹ کلاس میچ ہم گوازی کرے ہرافتیٹی او 271 رنز جوڑ کرے او 14 وکٹ ہلک۔ خالد وزیر تینا کیریئر نا ایسری ءِ 19 سال نا وہی اٹی کرے۔ او 1936 ٹی جالندھر اٹ ودی مس او چیسٹر اٹ تینا گڈیکو وخت ءِ تیر کرے۔