لاک ڈاﺅن نا زہمیک است جم مریر اوفتا دیگدانک پدین مفسہ‘علی محمد ہانبھی
Get real time updates directly on you device, subscribe now.
تمبو (آن لائن) تحصیل چھتر اٹ صوبائی حکومت ناکنڈآن لاک ڈاﺅن نا زہمی مزور تپہ کن ریلیف پیکیج نا بناکننگا۔ کمشنر نصیرآباد ڈویژن عابد سلیم قریشی، ڈپٹی کمشنر نصیر آباد حافظ محمد قاسم کاکڑ نا خصوصی پارت آ اسسٹنٹ کمشنر چھتر علی محمد خان ہانبھی‘ نائب تحصیلدار چھتر محمد شاہ کہیری نا چاروکی ٹی پٹواری محمد رفیق، پٹواری قمبر علی بگٹی و پٹواری بلال جونیجو اسک تحصیل چھتر اٹ حقدار 100 اُراتا دیہاڑی دار مزور و معذور آتے ٹی راشن بشخ وپانٹ کریر۔ داوخت آ اسسٹنٹ کمشنر چھتر علی محمد خان ہانبھی میڈیا تون ہیت وگپ کرسا پارے کہ زہمی مزور تے راشن اوفتا اُراتیا سر کننگک‘ لاک ڈاﺅن نا زہمیک است جم مریر اوفتا دیگدانک پدین مفسہ۔او مستی پارے کہ لاک ڈاﺅن نا زہمی تا ننے احساس ارے‘ اوفتا بحالی کن کمشنر نصیرآباد ڈویژن عابد سلیم قریشی، ڈپٹی کمشنر نصیرآباد حافظ محمد قاسم کاکڑ نا پرمان نارد اٹ اسسٹنٹ کمشنر چھتر علی محمد ہانبھی زہمی مزور تا اُراتے ٹی راشن بشخ وپانٹ کننگ انگ ءِ۔