الخدمت فاﺅنڈیشن بلوچستان اٹ 71لکھ انا بارن ءُ راشن غریب آتسکان سر کرینے
Get real time updates directly on you device, subscribe now.
کوئٹہ (آن لائن) الخدمت فاﺅنڈیشن مچ آ ملک اٹ دا وخت اسکان 48کروڑ وخت اس کہ بلوچستان اٹ 71لکھ انا بارن ءُ راشن غریب آتسکان سر کرینے‘ مچ آ ملک اٹ اسہ لکھ آن زیات رضاکار، 5ہزار کمیٹی دے ونن الس نا خذمت کن کوشست کننگ اٹی ءُ‘ الخدمت فاﺅنڈیشن نا کنڈآن 6ہزار مسیت‘ مندر‘ جیل تا سَفائی و اوفتے ٹی اسپرے کننگانے‘ قومی کہول آ پنچ سَد آن زیات ہیلپ لائن جوڑ ننگانے ہرا دے ونن الس نا مشکل آتے ایسر کننگ اٹی ءُ‘ سَد آ ڈسپنسری، ہسپتال، لیبارٹری، بلڈ بینک و مسہ سَد ایمبولینس ءِ الس نا خذمت کن تننگانے۔ جماعت اسلامی تینا غٹ ہند آتے کورونا دَین انا آگاہی و الس نا کمک کن تسنے۔ تبلیغی جماعت تون اوار اسہ تپہ سے ہم کورونا نابابت بدنام کننگپ‘ رکھی گام گیج‘ سَفائی و اللہ تون رجوع تون اوار سیلف آئسولیشن تینے کورونا غان بچفنگ نا اسٹ انگا کسر ءِ‘ بلوچستان نا کیہی ضلع غاتے ٹی دیہاڑی دار تپّہ‘ مزور و مسکین آتے ٹی راشن بشخ وپانٹ کننگ نا کاریم برجاءِ۔