وزیر اعظم اسہ دے اسے کن اینو کراچی آ کاہک
اسلام آباد (آن لائن) وزیراعظم عمران خان اینو اسہ دے ئی دورہ غا کراچی ءِ سر مریک ہراڑے او کراچی ٹرانسفارمیشن پلان نا پڑو ءِ کیک و اسٹاک ایکسچینج نا دورہ ءِ ہم کیک۔ حوال نا رداٹ وزیراعظم عمران خان اینو اسہ دے ئی دورہ غا کراچی آ کاہک ہراڑے او گورنر ہاؤس اٹ پریس کانفرنس اٹ کراچی ٹرانسفارمیشن پلان نا پڑو ءِ کیک، وزیراعظم عمران خان صنعتکار، واپار و ایلو نمائندہ غاتون اوڑدہی کیک۔ وزیراعلیٰ مراد علی شاہ تون اوار اتحادی جماعت آتا نمائندہ غاک ہم اوڑدہی کیرہ۔ وزیراعظم عمران خان اسٹاک ایکسچینج نا دورہ ءِ ہم کیک۔ حوال نا رداٹ وزیراعظم سندھ اکن ہزار ارب روپئی نا شونداری پیکج نا پڑو ءِ کیک دا شونداری پیکچ 3سال اٹ خڑچ کننگک۔ وزیراعظم عمران خان کراچی ٹی نالی تا سفائی، تجاوزات آتا ایسری، نکاسی آب و ایلو ویل آتا ایسری و ساف دیر تننگ نا بابت اہم ءُ ڈٹ انا پڑو ءِ ہم کیک۔