ایس او پی تیا عمل کرسا نوشکے ٹی اسپورٹس سرجز آتا بناءِ کننگک‘بابو رحیم
Get real time updates directly on you device, subscribe now.
نوشکے (تلار حوالکار) نوشکے ٹی کورونا نا سوب آن اسپورٹس نا سرجز آتے بند کننگاسس‘ اسپورٹس نا سرجز آتا دوارہ بناءِ کننگ کن دیوان اس ایف سی ہیڈ کوارٹر نوشکے ٹی اڈ ہلک‘ دا وخت آ ایم پی اے بابو میر محمد رحیم مینگل‘ کمانڈنٹ کرنل محمد آصف‘مسکوہی ناظم میر بہادر خان مینگل‘ حافظ مطیع الرحمان مینگل اسک پاریر کہ کورونا سوب آن ضلع نوشکے ٹی اسپورٹس ناسرجز آتے وختی بند کننگاسس‘ اللہ تعالیٰ نا فضل وکرم‘ کیمونٹی نا کمک‘ ڈاکٹر و پیرا میڈیکس نا کوشست و میڈیا نا مثبت رول اناسوب آن نوشکے ٹی کورونا نا کیسک کم ئسر‘ داسہ حالیت آک جوان مننگ اٹی ءُ ہندا سوب آن ایس او پی تیا عمل کرسا نوشکے ٹی دوارہ اسپورٹس سرجز آتا بناءِ کننگ انگ ءِ‘ دا رد اٹ ایف سی ضلعی و صوبائی کہول آ اسپورٹس نا شونداری کن ہر وڑ انا کمک کیک‘ مثبت سوچ ءِ تالان کرسا علاقہ ءِ شونداری و شونہالی ناکسر آروان کننگ کینہ۔