پارلیمنٹ نا سوگوی ملکی شونداری نا اسٹ انگا ویدن ءِ، اسد قیصر

اسلام آباد (اے پی پی) وزیراعظم نا خصوصی کمکار پٹرولیم ندیم بابر اسپیکر قومی اسمبلی اسد قیصر تون جمعہ نادے آ اوڑدہی کرے۔ اوڑدہی ٹی کانود جوڑ کننگ، ملک انا جم زرگزرانی حالیت و تین پہ تینی است خواہی نا ایلو باندات آتیا گپ وتران کننگا۔ داوخت آ گپ وتران کرسا اسپیکر اسد قیصر پارے کہ پارلیمان الس نا نمائندہ ادارہ ءِ و ملکی ویل آتا ایسری کن ہندن ءُ پالیسی جوڑ کننگ کیک ہرا ملک و قوم انا گیشتر فائدہ ٹی مریر۔ اوپارے کہ قومی اسمبلی ٹی غٹ سیاسی جماعت آک قومی اہمیت نا حامل باندات آتیا اسہ وڑ موقف تخرہ۔ اوپارے کہ اوفتا مدام کوشست مسنے کہ ایوان اٹی ساڑی غٹ جماعت آتے ایوان اٹ گپ وتران نا بریبر وارخواہی فراوان کننگے و غٹ باندات آتے جوانی اٹ ایسر کننگے۔