پولیو نا ناجوڑی نا برخلاف جہد ننا کل انا قومی زمواری ءِ‘عزت بلوچ

قلات (خ ن) ڈپٹی کمشنر قلات عزت بلوچ پارینے کہ پولیو کون آ ہلوک آ ناجوڑی نا برخلاف جہد ننا کل انا قومی زمواری ءِ۔ افسر‘ ویکسینیٹر، عالم دین و راجی کارندہ غاک پولیو نا نسخان تا بابت السی رابطہ مہم نا بشخ مرسا پولیو نابرخلاف برجا جنگ اٹ اہم کڑدار ادا کننگ کیرہ۔ محکمہ جانجوڑی نا ٹیمک ہر اُراغا کار و ہر چناءِ پولیو نا پڑی کنفنگ کن مست آن جوان کاریم کیر‘ کارندہ غاتا کنڈآن ہچ ءُ ڈیوالئی اس سگنگ مفک۔دا خیال آتادرشانی ءِ او انسداد پولیو مہم نا بابت اڈ ہلوک دیوان آن تران کرسا کرے۔ دیوان اٹ ایڈیشنل کمشنر قلات مقصود شاہ‘ ڈی ایچ اوقلات ڈاکٹر نصراللہ لانگو‘ ایم ایس ڈاکٹر گھنشام داس‘ ڈسٹرکٹ ایجوکیشن آفیسر قلات غلام مصطفیٰ بنگلزئی، ڈی او ای قلات نثار احمد نورزئی، گورنمنٹ ڈگری کالج قلات اے ڈی لوکل گورنمنٹ حاجی محمد ابراہیم بنگلزئی وضلع نا افسر آک بشخ ہلکر۔ دا وخت آ ایڈیشنل ڈپٹی کمشنر قلات سید مقصود شاہ پارے کہ ضلعی انتظامیہ پولیو نا چٹفنگ کن غٹ دوئی وسیلہ غاتے کاریم اٹ اتنگ اٹی ءِ۔