کورونا وائرس نا ارٹمیکو لہر نا بابت ایس او پی تیا سختی ٹی عملدرآ مد کرفنگے‘ جام کمال

0

Get real time updates directly on you device, subscribe now.

کوئٹہ (خ ن) وزیراعلیٰ بلوچستان جام کمال خان پارت کرینے کہ کورونا وائرس نا ارٹمیکو لہر انا سوب آن ایس او پی تیا سختی ٹی عملدرآمد ءِ پک کرسا اُلس ءِ زیات آن زیات معلومدار کننگے۔ دا پارت ءِ او کورونا وائرس نا ساڑی حالیت نا بابت اڈ ہلوک اسہ بڑزکو کہولی دیوان اسے نا کماشی ءِ کرسا کرے۔ دیوان اٹ صوبائی وزیر حاجی محمد خان طور اوتمانخیل، پارلیمانی سیکریٹری تیان ڈاکٹر ربابہ بلیدی، دھنیش کمار، آئی جی پولیس بلوچستان، سیکریٹری جانجوڑی، سیکریٹری حوالکاری، نمائندہ سدرن کمانڈ و ایلو کمامدار آک ہم ساڑی ئسر۔ دیوان ءِ سیکرٹری جانجوڑی صوبہ ٹی کورونا وائرس نا ساڑی حالیت، رکھوک گام گیج آتیا عملدرآمد، ٹیسٹنگ نا استعداد اٹ ودکی نا بابت تفصیلی بریفنگ تس۔ 

Get real time updates directly on you device, subscribe now.

Leave A Reply

Your email address will not be published.