الس نا رکھ و جان جوڑی ءِ پک کننگ کن اسٹیک ہولڈر آتا کوشست آک ستاکڑزرہ‘ عمران خان
Get real time updates directly on you device, subscribe now.
اسلام آباد(اے پی پی) وزیراعظم عمران خان نا کماشی ٹی قومی رابطہ کمیٹی (این سی سی) نا دیوان سے شنبے نادے آ داڑے اڈ ہلک ہراٹی وزیراعلاک و بنجائی وزیر آک ویڈیو لنک انا کمک اٹ دیوان اٹی بشخ ہلکر۔ این سی سی نا رداٹ دیوان اٹی نیشنل کمانڈ اینڈ آپریشن سینٹر(این سی او سی) وزیراعظم ءِ کورونا دین انا تالانی نا کچ و جم وڑاٹ کورونا نا ساڑی حالیت آتا بابت معلومدار کرے۔ وزیراعظم عمران خان الس نا رکھ و جان جوڑی ءِ پک کننگ کن این سی او سی و ایلو غٹ اسٹیک ہولڈر آتا کوشست آتا ستاءِ کرے۔ این سی سی، این سی او سی نا کنڈآن ماسک ءِ المی گوندنگ، مارکیٹ، ریسٹورنٹ و شادی ہال تے بند کننگ نا وخت ءُ پاس اٹ کمتی و سمارٹ لاک ڈاؤن نا فیصلہ غاتے پک کرے۔ وزیراعظم عمران خان غٹ اسٹیک ہولڈر آتے پارت کرے کہ او کورونا دین انا مون ءِ توننگ و الس نا روزگار اٹ توازن ودی کیر۔ وزیراعظم عمران خان کورونا دین انا گمانی تالانی تون مون تننگ کن نہگداشت وازباب آتا دستیابی کن المی گام گیج آتے پک کننگ نا ہم پارت کرے۔