ریاست و ملکی رکھ انا برخلاف دشمن نا ایجنڈا ءِ سگپنہ‘ شبلی فراز

0

Get real time updates directly on you device, subscribe now.

اسلام آباد(اے پی پی) بنجائی وزیر حوالکاری و شینکاری سینیٹر شبلی فراز پارینے کہ ریاست پاکستان و ملکی رکھ انا برخلاف دشمن نا ایجنڈا غا تیار کروک آ بیانیہ ءِ ہچ ءُ حالیت اسے ٹی منپنہ، نواز شریف و اونا خاہوت جمہوریت آ آخا بلکن بادشاہت آ یخین تخرہ، کانود ءِ درکار اشتہاری لندن نا کبین آ فلیٹ آتے ٹی تولسا انقلابی مننگ نا جاگہ غا الس نا مون آ برے، اپوزیشن نا پریس کانفرنس آتیٹی پاننگک کہ نواز شریف و شہباز شریف نا برخلاف کرپشن، منی لانڈرنگ نا مقدمہ غاتے پدی ہلنگے، ہراسٹ کرپشن، منی لانڈرنگ کرے یا قومی خزانہ ءِ بے دڑدی اٹ پُلا اوفتے حساب تروئی مریک، صنعت آتے ملوک آ زیات بجلی نا نرخ آتیٹی کمتی کننگانے، چنکا و نیامئی درجہ نا صں عت آتون اوار ایلوفتے ودکی بجلی آ 25 درسد رعایت ملک۔ صنعت آتیکن“پیک آورز”و“آف پیک آورز”ءِ یکجا کننگانے، صنعت آتے اڑزآن بجلی نا فراوانی آن ملکی مصنوعات آتا پیدوار اٹی ودکی مریک۔

Get real time updates directly on you device, subscribe now.

Leave A Reply

Your email address will not be published.