مسلم لیگ (ن) نا بیانیہ تیٹی راستکی اف

0

Get real time updates directly on you device, subscribe now.

اسلام آباد (آن لائن) بنجائی حوالکاری وزیر شبلی فراز پارینے کہ مسلم لیگ (ن) والاک ہندن ءُ بیانیہ ایترہ ہرافتا راستکی تتون ہچ ءُ تعلقداری اس اف، دا وڑ انا ہیت کرسا اوفک تینا گناہ تے پڑدہ کننگ نا کوشست کیرہ، ولے دا وڑ اٹ سرسہبی دوئی مفک، دزی نا مقدمہ غاتیٹی پندار آک اینو قوم ءِ بھاشن تننگ اٹی ءُ، دافتا حکومت آک الس دشمنی مسنو، تدوک آ حکومت آک نن کن بارودی سرنگ اِلانو، ہراتم حکومت اٹ بسن تو درآمد و برآمد آتیٹی 20 ارب روپئی نا پرخ ئسکہ۔ نن 20 ارب نا نسخان ءِ مثبت زرّ اسکان ایسن، ہدف آن زیات خراج مچ کرین، داسہ ننا نسخان 8 ارب ڈالر مسنے، نن زرمبادلہ نا کوڑی تیٹی 19 ارب ڈالر نا ودکی کری۔ اسلام آباد اٹی پریس کانفرس کرسا بنجائی وزیر پارے کہ اینو الس نا فائدہ نا ٹھیکیدار جوڑ مروک آک ہندن حکومت چلیفیر، ہراڑان اوفک الس نا جیب آتے خورک کننگ آن بیدس ملک اکن ہچ اس کتوس۔ ہراتم اوفتا اقتدار چٹا و نن حکومت ءِ دوئی کرین تو اوفک دا ہیت ءِ پک کریسر کہ ہندن ءُ بارودی سرنگ اِلنگے ہراڑان نسخان رسینگے، انتئے کہ اقتدار ءِ دافک بیرہ تینا حق تکرہ۔ بنجائی وزیر نا رد اٹ ہراتم نن اقتدار ءِ دوئی کرین تو درملکی زر مبادلہ نا حالیت 6 ہفتہ غان زیات اسکان اَلوکہ، دا وخت آ کرنٹ اکاؤنٹ نسخان 20 ارب ڈالر آن زیات ئسکہ، و وامک 30 کھرب روپئی اسکان سر مسوسر، ہرافتا بیرہ سود آتا تننگ کن بجٹ اٹی 2 کھرب 90 ارب روپئی نا پیسہ تخنگا۔ مسلم لیگ (ن) ڈالر ءِ رزاک آ ہندن ءُ دنگ اسے آ تخاسس، ہراڑکن اسحٰق ڈار اسٹیٹ بینک نا 23 ارب ڈالر خڑچ کرے، و ولدا اودے شاہد خاقان عباسی تینا جہاز اٹی ڈکسا پیشن ملک آ نرفے۔

Get real time updates directly on you device, subscribe now.

Leave A Reply

Your email address will not be published.