گوازی گرتا کورونا دَین اٹ تینے فٹ تخنگ ستا کڑزک‘ وقار یونس

انگلینڈ (مانیٹرنگ ڈیسک)پاکستان کرکٹ ٹیم نا باؤلنگ کوچ وقار یونس کرکٹر آتا فٹنس آن خوش ءِ او پارینے کہ گوازی گرتے جوان ءُُ حالیت اسے ٹی خننگ آ کنے بھاز جوان لگا۔ اومیت ءِ کہ سیریز اٹ کرکٹر آک جوان گوازی کیرہ۔ پاکستان کرکٹ ٹیم اینو پگہ انگلینڈ نا شار ووسٹر اٹی ءِ۔ ہراڑے او بائیو سیکور ءُُ چاگڑد اسے ٹی مرسا انگلینڈ نا برخلاف سیریز نا تیاری تیٹی اختہ ءِ۔ ٹریننگ سیشن تیٹی پاکستان ٹیم اِرا انٹرا اسکواڈ پریکٹس میچ آتیٹی گوازی کیک۔ پاکستان کرکٹ ٹیم نا باؤلنگ کوچ وقار یونس آسٹریلیا آن انگلینڈ ءِ سرمننگ تون ٹیم ءِ جوائن کرے۔ وقار یونس پی ایس ایل کینسل مننگ آن پد لاہور آن سڈنی آ ہناسُس او فلائٹ آپریشن نا کینسل مننگ آن پد وقار یونس پاکستان آ بننگ کتوکہ۔ وقار یونس پارینے کہ ووسٹر اٹ ہراتم گوازی گرتا کویڈ 19 ٹیسٹ منفی بس کل کرکٹر آتے زوت اس ٹریننگ نا بنا ءِ کروئی تما انتئے کہ مسہ تو آن ءِ گراونڈ اٹ ہننگ کتنو۔ وقار یونس مستی پارینے کہ کل آن جوان انگا ہیت دادے کہ گوازی گرک بھاز جوان ءُُ حالیت اسے ٹی ءُُ۔ او اوفک تینے فٹ تخانو۔ اگہ اوفک گوازی گرتتون ملنگ کتنو۔ ولے جتا جتا وڑ وڈول آتیٹی گوازی گرتتون حال احوال کرسا کریر او اوفتا راہشونی برجا سلیس۔ او مستی پارینے کہ اولیکو اومیت تو دادے کہ کووڈ 19 ایسر مریک و حالیت آک نارمل مریرہ ولے اگہ وائرس پین مرغن مس تو آئی سی سی ءِ بال ءِ چمک تننگ کن پین وڑ و ڈول اس پٹوئی تمک۔