مسکوہی لیورپول اسٹرائیکر میلان باروس 38 سال نا وہی اٹ ریٹائر مننگ کن تیار

0

Get real time updates directly on you device, subscribe now.

پراگ (مانیٹرنگ ڈیسک) مسکوہی لیورپول، آسٹن ولا و جمہوریہ چیک نا اسٹرائیکر میلان باروس تدوک آ دے پارینے کہ اودے سیزن نا ایسری اسکان تینا گوازی نا کیریئر نا بابت وخت درکار ءِ۔ بنک آسٹروا نا کلب ویب سائٹ آ 38 سال نا باروس پارینے ”کنا دماغ پاہک کہ کیریئر ءِ مچہ پین چکہ ولے جون پاہک بس کر۔” او مستی پارینے کہ ”کنے اسہ بھلو وخت اسے آن ءِ جانجوڑی نا ویل آک فریشان کرینو۔ او جون مالو نا وڑاٹ کاریم کپک۔ ہراوڑ او مالو کریکہ او ہراوڑ کنے اونا کاریم نا گرج ءِ‘” او مستی پارینے کہ او تینا اچیلز کنڈرا نا بارواٹ غاو کرے۔ باروس، ہرا پورٹسماؤت، لیون و گالاتسارے کن ہم گوازی کریسُس، یورو 2004 ٹی ٹورنامنٹ اٹ جوان ءُُ ہند اس دوئی کرے، ہراٹی او ٹاپ اسکورر ئس۔ باروس 2005 ٹی لیورپول تون چیمپئنز لیگ ءِ کٹا و یورو 2012 آن پد او جہانی کیریئر نا ایسری ءِ کرے، او جمہوریہ چیک نا 93 گوازی تیٹی 41 گول اسکور کرے۔

Get real time updates directly on you device, subscribe now.

Leave A Reply

Your email address will not be published.