جہانی چمپئن مسلمان روسی باکسر خبیب نا باوہ کورونا وائرس نا سوب آن کزیت کرے
Get real time updates directly on you device, subscribe now.
ماسکو (مانیٹرنگ ڈیسک) مچ آ جہان اٹ پنی آ مسلمان روسی باکسر خبیب نا باوہ کورونا وائرس نا سوب آن کزیت کرے، یو ایف سی جہانی چمپئن نا 57 سال نا وہی انا باوہ و ٹرینر کورونا وائرس نا گواچی مننگ آن پد مئی آن ءِ ہسپتال اٹ داخل ئس۔ حوال نا رداٹ مچ آ دنیا ٹی فری اسٹائل باکسنگ نا کل آن پنی آ باکسر خبیب نا باوہ و اونا ذاتی آ ٹرینر دا دنیا غان رخصت کرے۔ روسی خبر رساں ادارہ نا کنڈآن تروک آ تفصیل آتا رداٹ روس آن تعلق تخوک آ مسلمان یو ایف سی جہانی چمپئن خبیب نا باوہ کورونا وائرس نا سوب آن کزیت کرینے۔ خبیب نا باوہ نا وہی 57 سال ئس و او تینا باکسر مار انا ٹرینر ہم ئس۔ خبیب نا باوہ مئی نا تُو اٹ کورونا وائرس نا گواچی مسوسُس۔ اوکان پد اودے ہسپتال اٹ داخل کننگاسُس۔ خبیب نا باوہ نا طب چڑہ خراب ئس او اودے آئی سی یو ٹی تخاسُر۔ ولدا ہم اونا طب جوان متو او کزیت کرے۔