پاکستان حریت راہشون تا یلہ کرفنگ کن جہانی عدالت آ کاہے، مشعال ملک
اسلام آباد: بھارتی زندان اٹی بند کشمیری حریت راہشون یاسین ملک نا اُرائی مشعال حسین ملک خواست کرینے کہ حکومت پاکستان یاسین ملک تون اوار زندان تیٹی بند حریت سرکڑدہ غاتا یلہ کننگ و مقبوضہ کشمیر اٹی انسانی حق انا بھلا خلاف ورزی تیا جہانی عدالت انصاف تون رجوع کے، اقوام متحدہ نا سلامتی کونسل اٹی مقبوضہ کشمیر نا جھیڑہ ئی حیثیت ءِ چٹفنگ و آبادی ٹی بدلی آ پوسکن قرارداد و کشمیر انوائے مقرر کننگے، دنیا نا امن کشمیر نا پرامن ایسری تون گنڈوک ءِ، ہندوستان نا تہہ ٹی سول وار بننگ ءِ، بھارتی زرکاریک ہم ہندا سول وار نا گواچی مریرہ۔ او جمعہ نادے آ وزارت حوالکاری و شینکاری نا ذیلی ادارہ ڈائریکٹوریٹ آف الیکٹرانک میڈیا اینڈ پبلیکیشنز (ڈی ای ایم پی) نا کنڈآن یوم یکجہتی کشمیر نا بابت انفارمیشن سروسز اکیڈمی ٹی اڈ ہلوک اسہ دے ئی ڈیجیٹل فوٹوگرافک اینڈ پینٹنگ نمائش نا بنائی دود آن تران کریکہ۔ ایگزیکٹیو ڈائریکٹر جنرل ڈائریکٹوریٹ آف الیکٹرانک میڈیا اینڈ پبلکیشنز طارق محمود، اے پی ایچ سی راہشون عبدالحمید لون، ڈائریکٹر فلم آصف الرحمان، ڈپٹی ڈائریکٹر فلم اینڈ ایگزبیشن فارینہ مغل تون اوار وزارت حوالکاری و شینکاری ناکمامدارآک دود اٹی ساڑی ئسر۔
(اے پی پی)