کے الیکٹرک تون باندات آتے پک کننگ کن ٹاسک فورس جوڑ

اسلام آباد : بنجائی وزیر توانائی انجینئر خرم دستگیر پارینے کہ حکومت و کے الیکٹرک نا نیام اٹ امور طے کننگ کن ٹاسک فورس اس جوڑ کننگانے، کے الیکٹرک نا معاہدہ غان پد غٹ ہیت آک پک مریرہ۔ جمعہ نادے آ سینیٹ نا دیوان اٹی سوج ورندی تا وخت آ سینیٹر مشتاق احمد نا سوج انا ورندی ٹی او پارے کہ وزیراعظم آفس نا کنڈآن واجب الادا زر انا وصولی تون اوار ایلو امور کن اسہ ٹاسک فورس اس جوڑ کننگانے ہرانا کماشی ءِ شاہد خاقان عباسی ءِ تننگانے، ہندن کہ ٹاسک فورس تینا سلاہ وسوج آتے گڈیکو دروشم اس ایتک تو اونا منظوری کن بنجائی کابینہ غا گدریفنگک۔ اوپارے کہ کراچی نا شاری تے ریلیف کن ہڑدے اسہ ہزار میگاواٹ بجلی فراوان کننگ انگ ءِ، حکومت کے الیکٹرک نا ٹیرف آ 20 روپئی فی یونٹ ریلیف فراوان کننگ ءِ۔ اوپارے کہ بجلی سپلائی نا مد اٹی کے الیکٹرک نا کنڈآن واجب الاد ا زر انا مالیت 490 ارب روپئی ئسک وخت اس کہ تدوک آ سال کے الیکٹرک 85.133 ارب روپئی واجب الادا زر انا ادائیگی کرے۔

(اے پی پی)